Alimentación

Nos últimos 50 anos a produción mundial de alimentos aumentou un ritmo sen precedentes e superior á taxa de crecemento da poboación mundial. Entre 1990 e 1997 a produción per cápita de alimentos creceu case un 25%, non obstante, no mundo máis de 800 millóns de persoas aínda pasan fame, o cal representa unha poboación maior á que vive en Europa.
A maioría dos órganos das Nacións Unidas que se dedican a loitar contra a fame estableceron importantes programas sociais para promover a seguridade alimentaria dos sectores máis pobres da poboación, particularmente nas zonas rurais. Así, a Organización das Nacións Unidas para a Agricultura e a Alimentación (FAO), o Programa Mundial de Alimentos (PMA) e o Fondo Internacional de Desenvolvemento Agrícola (FIDA) traballan para aliviar a pobreza e a fame no mundo.
Ademais, moitas organizacións das Nacións Unidas traballan dende as súas perspectivas no logro do primeiro Obxectivo de Desenvolvemento do Milenio: "Erradicar a pobreza extrema e a fame".

Enlace: